సాహితీవైద్యం

రచన మాసపత్రికలో నిర్వహించబడుతున్న సాహితీవైద్యం శీర్షిక కథకుల ప్రయోజనానికి ఉద్దేశించబడింది. అక్షరజాలంలో ఈ శీర్షిక- మా అనుభవం, అవగాహనల ఆధారంగా, మా పరిమితులకు లోబడి సాహిత్యానికి సంబంధించిన అన్ని ప్రక్రియలకూ అంటే కథ, నాటిక, వ్యాసం, కవిత, టీవీ సంభాషణలు, సినిమా సంభాషణలు వగైరాలకి వేదిక కాగలదని ఆశిస్తున్నాం. విశ్లేషణకీ, ప్రచురణకీ రచనలు పంపేవారు వ్రాతప్రతుల్ని లేఖిని స్క్రిప్టులో టైపుచేసి పంపవలసి ఉంటుంది.
ప్రస్తుతం టీవీలో తెలుగు ఛానెల్సు చాలా ఉన్నాయి. ఇంకా వస్తున్నాయి. అన్నీ తెలుగు సీరియల్సుకి ప్రాధాన్యమిస్తున్నాయి. ఎంతోమంది రచయితలకి వాటికి సంభాషణలు వ్రాసే అవకాశం రావచ్చు. టీవీ, సినిమా సంభాషణలకి మామూలుగా కథలకి వ్రాసినట్లు కాక, కాగితాన్ని సగానికి మడతపెట్టి వ్రాయాలి. మచ్చుకి అమ్మమ్మ.కాం సీరియల్ కోసం మేము వ్రాసిన మొదటి ఎపిసోడ్ సంభాషణల వ్రాతప్రతిని ఇక్కడ చూడగలరు. దర్శక నిర్మాతలు వీటిలో కొన్నింటిని మాత్రమే ఉపయోగించుకున్నట్లు సీరియల్ చూసినవారు గ్రహించగలరు.

ఈ నెల రచన మాసపత్రిక సాహితీవైద్యంలో- కథా కమామీషూలో ప్రస్తావించిన పేరులొ ఏముంది కథ, టూకీగా ప్రస్తావించిన ఆకునూరి మురళీకృష్ణ 3 కథల కొసం ఇక్కడ క్లిక్ చేయండి. chandraharam manvadena ninnu_ninnuga

ఇంకా ఈ శీర్షికలో విశేషాలకు ఇక్కడ క్లిక్ చెయ్యండి.

21 వ్యాఖ్యలు »

  1. బావుంది

  2. darbha lakshmi annapurna said,

    వసంధరగారికి నమస్కారములు!
    రచన పత్రిక ఆగిపోలేదన్న విషయం చాలా ఆనందాన్ని కలిగించింది.హైదరాబాద్ లో వుండేవారిద్వారా విన్న ఆ మాట ఈ నెల నాకు రచన పత్రిక పోస్ట్ లో అందకపోవటంతో నిజమేనేమో అనుకున్నాను.రచనకి నేను చందాదారుని .
    పరామర్శ చెయ్యటంలో ఆలశ్యం గురించి వచ్చిన మీ కధ మనస్సుని చురుక్కుమని తాకింది!
    ధన్యవాదములతో
    దర్భా లక్ష్మీ అన్నపూర్ణ


Leave a Reply

%d bloggers like this: