మార్చి 1, 2013
కథలపోటీ- వంగూరి ఫౌండేషన్
వంగూరి ఫౌండేషన్ ఆఫ్ అమెరికా – 18వ ఉగాది ఉత్తమ రచనల పోటీ
గత 17 సంవత్సరాల సంప్రదాయాన్ని పాటిస్తూ, రాబోయే “విజయ ” నామ సంవత్సర ఉగాది (ఏప్రిలు 11, 2013) సందర్భంగా వంగూరి ఫౌండేషన్ ఆఫ్ అమెరికా వారు 18 వ ఉగాది ఉత్తమ రచనల పోటీ నిర్వహిస్తున్నారు. భారత దేశంతో సహా అన్ని దేశాల తెలుగు రచయితలందరినీ ఈ పోటీలో ఉత్సాహంగా పాల్గొని విజయవంతం చెయ్యమని కోరుతున్నాం.
ఈ 18 వ ” విజయ ” ఉగాది ఉత్తమ రచనల పోటీ విజేతలకి ప్రశంసాపత్రాలతో బాటు ఈ క్రింది విధంగా నగదు పారితోషికాలు ఇవ్వబడతాయి.
ఉత్తమ కథానిక: (రెండు సమాన బహుమతులు) ఒక్కొక్కటీ: $116
ఉత్తమ కవిత: (రెండు సమాన బహుమతులు) ఒక్కొక్కటీ: $116
అంతే కాక కథ, కవితలూ వ్రాద్దామని కుతూహలం ఉన్నా, చిన్న ప్రయత్నాలు చేసినా, ఏదో ఒక కారణం చేత తమ రచనలను ఎక్కడా ప్రచురించని సరి కొత్త రచయితలని ప్రోత్సహించే ఉద్దేశ్యంతో ఈ క్రింది ప్రక్రియలలో ప్రత్యేకమైన పోటీలు నిర్వహిస్తున్నాం. తరాల తారతమ్యం లేకుండా, ప్రపంచవ్యాప్తంగా ఉన్న నూతన కథకులనూ, కవులనూ, కవయిత్రులనూ ఈ “పోటీ” లో పాల్గొనమని ఆహ్వానిస్తున్నాం.
“నా మొట్ట మొదటి కథ”: (రెండు సమాన బహుమతులు): ఒక్కొక్కటీ: $116
“నా మొట్టమొదటి కవిత”: (రెండు సమాన బహుమతులు) ఒక్కొక్కటీ: $116
అన్ని పోటీలకీ ముఖ్య గమనికలు
· ఒకే రచయిత ఒక్కొక్క ప్రక్రియకూ ఒక ఎంట్రీ మాత్రమే పంపించవచ్చును. వ్రాత ప్రతిలో కథలు పదిహేను పేజీల లోపు, కవితలు ఐదు పేజీలు లోపుగా ఉండాలి.
· తమకు నచ్చిన ఇతివృత్తం రచయితలు ఎన్నుకోవచ్చును.
· రచయితల అముద్రిత స్వీయ రచనలు మాత్రమే పరిశీలనకు స్వీకరించబడతాయి. స్వంత బ్లాగులు, స్వంత వెబ్ సైట్స్ మొదలైన వాటిల్లో ప్రచురించుకున్న రచనలు పరిగణింపబడవు. ఈ మేరకు హామీ పత్రం రచనతో బాటు విధిగా జత పరచాలి. “మొట్టమొదటి కథ” మరియు “మొట్టమొదటి కవిత” పోటీ లో పాల్గొనే వారు తమ రచనలు మొట్ట మొదటి రచనలని హామీ పత్రంలో పేర్కొనాలి.
· బహుమతి పొందిన రచనలూ, ప్రచురణార్హమైన ఇతర రచనలు http://www.koumudi.net లోనూ, “రచన” మాస పత్రిక (హైదరాబాదు) లోనూ, ఇతర పత్రికలోనూ ఆయా సంపాదకుల వీలుని బట్టి, కేవలం వారి నిర్ణయానుగుణంగా మాత్రమే ప్రచురించబడతాయి.
· కాపీ రైట్స్ తమవే అయినా, విజేతల నిర్ణయం ప్రకటించే వరకూ (సుమారు ఏప్రిల్ 11, 2013) తమ ఎంట్రీలను రచయితలు ఇంకెక్కడా ప్రచురించ కూడదు.
· విజేతల ఎన్నిక లో న్యాయ నిర్ణేతలదీ, ఇతర విషయాలలో నిర్వాహకులదే తుది నిర్ణయం. రచనలు మాకు మార్చి 10, 2013 లోగా ఈ క్రింది చిరునామాకు క్రింద సూచించిన విధంగా పంపాలి.
How to send Entries
Preferred Method: Soft copies by e-mail (PDF or Gautami fonts in Unicode attachments preferred) to:
Sairacha2012@gmail.com and copy to vangurifoundation@gmail.com
By Fax: 1-866 222 5301
By Postal/Snail Mail:
Vanguri Foundation of America
P.O. Box 1948, Stafford, TX 77497
అంతర్జాలపు లంకె ఈ సమాచారం అందజేసిన శ్రీ అరిపిరాల సత్యప్రసాద్‍కి ధన్యవాదాలు.
-అంబల్ల జనార్దన్ said,
మార్చి 3, 2013 at 11:28 ఉద.
అనుభవమున్న రచయితలతొ పాటు కొత్త రచయితలను, కవులను ప్రోత్సహిస్తున్నందుకు అభినందనలు.
–అంబల్ల జనార్దన్
వసుంధర said,
మార్చి 4, 2013 at 9:24 సా.
మీ అభిమానానికి, ప్రొత్సాహానికి, స్పందనకు ధన్యవాదాలు. సమయాభావంవల్ల అనుకున్నవన్నీ అనుకున్న సమయానికి చెయ్యలేకపోతున్నాం. రెండు మూడు మాసాల్లో అక్షరజాలంలో కథలు, కవితలు, బాలసాహిత్యానికి సంబంధించిన కొత్త రచనలు తరచుగా చూడగలరు.