Site icon వసుంధర అక్షరజాలం

ఉన్నవారికే అన్ని సుఖాలూ….

దేశానికి ప్రపంచంలో పేరు తెస్తారు క్రీడాకారులు. అలా పేరు తెచ్చినవారికి అవసరానికి మించి కోట్లకు కోట్లు కానుకగా ఇవ్వడం సంపన్న దేశాలకు తగును. దేశానికి తిండి పెట్టే అన్నదాతలు ఋణ భారాలతో, ఆకలి బాధతో విలవిలలాడే పేద దేశాలు కూడా కోట్లకు కోట్లు ఇచ్చి వారిని సత్కరించాలనుకోవడం అభినందనీయమే! ఎటొచ్చీ వారిని సత్కరించడంలో వేగం, అన్నదాతల్ని ఆదుకోవడంలో జాప్యం పేద దేశాలకు తగునా? 2011లో క్రికెట్‍లో ప్రపంచ కప్ నెగ్గిన మన జట్టులోని ప్రతి సభ్యుడికీ అప్పటి ప్రభుత్వం అదనంగా కోటి రూపాయలు కానుకగా ప్రకటించినప్పుడు- అక్షరజాలం స్పందన ఇది. ఎందుకంటే ఒక కోటితో వందమంది రైతులకు లక్ష రూపాయల ఋణమాఫీ చెయ్యవచ్చు. 

అమెరికా ఓపెన్ టెన్నిస్‍ పోటీలో దేశం తరఫున కాకపోయినా వ్యక్తిగతంగా పాల్గొని మిక్సెడ్ డబల్సులో ఛాంపియన్‍షిప్ గెల్చుకుని 75వేల డాలర్ల ప్రైజ్ మనీ స్వంతం చేసుకున్న భారతీయ వనిత సానియా మీర్జా మన దేశానికి గర్వకారణం. ఆమెకు హృదయపూర్వక అభినందనలు. తాత్సారం లేకుండా ఆమెను తక్షణమే అదనపు నగదుతో సత్కరించిన ప్రభుత్వానికీ అభినందనలు. ఈ సత్కారం ఫలితంగా తమ విషయంలోనూ ఇదేవిధంగా తాత్సారం లేకుండా నిర్ణయాలు జరుగుతాయని అన్నదాతల్లో ఆశ మొలయింది. వారికి శుభాకాంక్షలు.

ఆంధ్రజ్యోతి

Exit mobile version