మార్చి 28, 2020
దేవుళ్లు
కరోనా వీరవిహారం చేస్తుంటే
తలుపులు మూసుకుని ఇళ్లలో దాక్కున్నాం
ఐనా ఏమాత్రం లోటు లేకుండా
పీల్చుకుందుకు గాలి దొరుకుతోంది
అందుకే దేవుడికో నమస్కారం
ఇంకా
కుళాయిలో నీళ్లొస్తున్నాయి
దీపాలు వెలుగుతున్నాయి ఫాన్లు తిరుగుతున్నాయి
వీధులు శుభ్రపడుతున్నాయి
పప్పూ ఉప్పూ కూరా నారా మందూ మాకూ
వగైరా వగైరాలకు దుకాణాలూ, వైద్యుల ఇళ్లూ తెరిచున్నాయి
అందుకే ఆ దేవుళ్లందరికీ కోటి నమస్కారాలు
Leave a Reply