జూన్ 18, 2021

కొత్త కలాలకు ఆహ్వానంః ఈటివి

Posted in బుల్లితెర-వెండితెర, రచనాజాలం at 7:06 సా. by వసుంధర

వాట్‍సాప్ బృందం సాహిత్య సమాచారకలశం సౌజన్యంతో

మార్చి 22, 2021

నాంది – కొత్త సినిమా

Posted in వెండి తెర ముచ్చట్లు at 1:14 సా. by వసుంధర

ఈ ఫిబ్రవరి 19 న విడుదలైన నాంది సినిమా – అల్లరి నరేష్‍ని కొత్త గెటప్‍లో చూపిస్తుంది. జనాలకు ఆట్టే పరిచయంలేని సెక్షన్ 211 – ముఖ్యాంశంగా రూపొందించడం ఈ చిత్రం ప్రత్యేకత. అధికార దుర్వినియోగానికి అమ్ముడుపోతున్న వ్యాయంపై – వ్యవస్థను నిలదీసిన అర్థవంతమైన కొత్త తరహా చిత్రమిది. ప్రయోజనాత్మకమైన పరిష్కారాన్ని సూచించడం ప్రశంసనీయం.

సమీక్షకులు మాటల్లో, వ్రాతల్లో – నాలుగు మంచి మాటలు చెప్పిన ఈ చిత్రానికి ప్రేక్షకాదరణ కూడా లభించింది.

ఈ చిత్రం చూడ్డానికి కొన్ని వారాల ముందు మేము మళయాళం నుంచి తెలుగులోకి అనువదించబడిన వ్యూహం (2020) చిత్రాన్ని ఆహా చానెల్లో చూశాం. అదీ ఇంచుమించు ఇదే కథ, ఇదే సందేశం, ఇదే కథనం. ఐతే చిత్రం చాలా హుందాగా, పకడ్బందీగా, ఆసక్తికరంగా నడిచింది. నటీనటులు పాత్రల్లో జీవించెశారు. దర్శకుడు చిత్రాన్ని ఉత్కంఠభరితం చేశాడు.

ఆ చిత్రం చూసేక చూడ్డంవల్లనేమో – నాంది కథ, కథనం, నటీనటుల ప్రదర్శన చాలా పేలవంగా అనిపించాయి.

వ్యూహం చూసేక నాంది చూదకపోయినా ఫరవాలేదు. నాంది చూసేక మాత్రం వ్యూహం ఓసారి చూడ్డం తెలుగులో మంచి సినిమాలు రావాలన్న నిబద్ధత ఉన్నవారికీ, ఔత్సాహికులకూ ఎంతో అవసరం.

రెండు చిత్రాలూ – ఓటీటీలో ఆహా చానెల్లో ఉన్నాయిప్పుడు.

నాంది మంచి చిత్రాలు తియ్యాలన్న ప్రయత్నానికి తగిన నాంది అనీ, మెరుగైన ప్రదర్శనకు ఇంకా ఎంతో కృషి చెయ్యాల్సి ఉందనీ గ్రహిస్తే – ఈ నిర్మాణ సంస్థ, బృందం – తెలుగు సినిమా భవిష్యత్తుకి కూడా గొప్ప ఆసరా కాగలరు. వారికి అభినందనలు.

ఫిబ్రవరి 28, 2021

సాహితీ ‘లంకె’బిందువులు

Posted in నాటిక, లఘుచిత్రాల పోటీలు, పుస్తకాలు, మన కథకులు, సాహితీ సమాచారం at 9:03 సా. by వసుంధర

సంస్కరణా, విప్లవమా?

నివాళిః డా. సి. ఆనందారామం

జనవరి 31, 2021

సినీగీతాల్లో – ప్రేమ సందిగ్ధాలు

Posted in బుల్లితెర-వెండితెర, సంగీత సమాచారం at 12:58 సా. by వసుంధర

ప్రేమలో రకరకాల సందిగ్ధాలు. కవుల అక్షరాల్లో అవి మనోహరాలు. సంగీతంతో మేళవమైతే అవి సుస్వరాలు. వెరసి దృశ్యకావ్యంగా అవి సినీగీతాలు. అనుభూతికి, స్మృతులకు అవి సుమధురాలు.

అసమాన ప్రతిభావంతుడు, మహా గాయకుడు – ఎస్పీ బాలసుబ్రహ్మణ్యం – వేదికలపై సినీగీతాల లోతుని అవగాహనకు తెచ్చే ప్రయత్నాలు ఎన్నో చేశారు. ఆ ప్రేరణతోనే అప్పుడప్పుడు కొన్ని సినీ గీతాల్ని సంస్మరించుకుందుకు అక్షరజాలమూ ఓ వేదిక. దీన్ని ఎవరైనా ఉపయోగించుకోవచ్చు.

మచ్చుకి సినీగీతాల్లో ప్రేమ సందిగ్ధాలను ప్రదర్శించిన మూడు పాటలకు ఇక్కడ లంకె ఇస్తున్నాం.

  1. రాజ్ కుమార్ (హిందీ) – ఇస్ రంగ్ బదల్తీ దునియామే
  2. బాజీగర్ (హిందీ) – చుపానాభీ నహీ ఆతా
  3. గుండమ్మ కథ (తెలుగు)- కనులు మూసినా నీవాయె

సద్గురు సాయి – ఒక అసామాన్య దృశ్యకావ్యం

Posted in టీవీ సీరియల్స్, బుల్లితెర-వెండితెర at 12:33 సా. by వసుంధర

ఈటివిలో కొంత కాలంగా సాయంత్రం 6-6.30 సద్గురు సాయి అనే డెయిలీ సీరియల్ వస్తోంది.

భక్తుల పాట్లు, దేవుడి లీలలు – ఇంతే కదా ఇలాంటి కథలు అనుకుంటూనే ఎందుకో ఆరంభంలో వరుసగా కొన్ని ఎపిసోడ్సు చూశాం. కథనం మేమనుకున్నదానికి విభిన్నంగానూ, అత్యంత ఆసక్తికరంగానూ ఉంది. సుమారు 60కి పైగా ఎపిసోడ్లు చూసేక, సమయం చిక్కక కొన్ని మిస్ కావాల్సి వచ్చింది. ఈటివి విన్ (etv win app) లో వెదికితే ఒకోసారి దొరికాయి, ఒకోసారి దొరకలేదు. అది హిందీ సీరియల్ కి అనువాదమని తెలుసు కాబట్టి గూగుల్ సెర్చి చేస్తే – సోనీ సిక్స్ అనే చానెల్లో కొన్నేళ్లక్రితం మేరే సాయి పేరిట సుమారు 700కి పైగా ఎపిసోడ్లు వచ్చినట్లు తెలిసింది. దాంతో హిందీకి మారిపోయాం. ఇంతవరకూ ఒక్కటి కూడా మిస్ కాకుండా 350 ఎపిసోడ్లు దాటాం. రోజుకి ఒకటికి మించే చూస్తూ, ఒకోసారి ఒక్కరోజులో ఏకబిగిని 10 ఎపిసోడ్లు చూడ్డం కూడా జరిగింది. అంత ఆసక్తికరంగానూ, రసవత్తరంగానూ నడుస్తోంది ఈ సీరియల్.

సమకాలీన సమాజాన్ని దృష్టిలో ఉంచుకుని – గత శతాబ్దపు తొలిభాగపు నేపథ్యంలో నడుస్తున్న ఈ సీరియల్లో స్పృశించిన అంశాలు – నేటి సామాజిక, రాజకీయ, ఆర్థిక, వినోద, నేర ప్రవృత్తులను విశ్లేషించిన తీరు అసామాన్యం, అద్భుతం, ప్రయోజనాత్మకం.

పాత తరానికి కనువిప్పు. నేటి తరానికి హెచ్చరిక. భావి తరానికి మార్గదర్శకం – అదీ ఈ సీరియల్!

ఇందులో భక్తికంటే మనస్తత్వ విశ్లేషణకూ, మహిమలకంటే తర్కానికీ ప్రాధాన్యముండడం విశేషం. అది నటీనటుల అసమాన ప్రతిభో, దర్శకుని అసాధారణ చాతుర్యమో – ఈ ఎపిసోడ్లలో కనిపించే నటీనటులు ఆయా పాత్రలకోసమే పుట్టారా అనిపిస్తుంది. నేడు వస్తున్న డెయిలీ సీరియల్సు నిర్వాహకులు నేర్చుకుని అనుకరించాల్సిన అంశాలు ఎన్నో ఉన్న ఈ సీరియల్ని హిందీలో చూడాలంటే మొదటి ఎపిసోడ్ కోసం ఇక్కడ క్లిక్ చెయ్యండి.

తెలుగులో చూడాలంటే ఇక్కడ క్లిక్ చెయ్యండి.

తెలుగులో సంభాషణలు సముచితంగా ఉన్నాయి. అయినప్పటికీ హిందీని అనుసరించగలిగినవారికి – ఆ అనుభూతి అదనం!

తరువాతి పేజీ