అక్టోబర్ 15, 2021

శుభాకాంక్షలు

Posted in ముఖాముఖీ at 4:25 సా. by వసుంధర

బొమ్మకు లంకె

ఆగస్ట్ 15, 2021

75 ఏళ్ల లేత వయసులో

Posted in ముఖాముఖీ at 12:08 సా. by వసుంధర

మనది వేల సంవత్సరాల ఘనచరిత్ర, సంప్రదాయం.

ప్రాంతాలు, మతాలు, వర్ణాలు, కులాలు, భాషలు వ్యక్తులుగా మనని వేరు చేసినా- మనది భిన్నత్వంలో ఏకత్వమని గర్వపడుతూ- మనమంతా భారతీయులమనే చెప్పుకునేవాళ్లం.

కానీ మన భిన్నత్వంలో అనేకత్వాన్ని గుర్తించిన పరాయి పాలకులు- మనని తమకు బానిసల్ని చేసుకుని, మన సంపదను దోచుకున్నారు.

ఎలాగో 75 సంవత్సరాలక్రితం మనది స్వతంత్రభారతమైంది.

దేశాలకుండే ఆయువునుబట్టి- 75 సంవత్సరాలంటే లేత వయసే! భారతీయులు- తమని తాము ప్రాంతం, మతం, వర్ణం, కులం, భాష వగైరాలనుంచి విముక్తుల్ని చేసుకుని- భిన్నత్వాన్ని వ్యక్తికి పరిమితం చేసి, ఏకత్వాన్ని సమిష్టిగా ఆపాదించుకునేందుకు- ఈ లేత వయసు ఎంతో అనువైనది.

భారత దేశం స్వతంత్రమైంది. ఇక భారతీయులు స్వతంత్రులు కావాలి- అన్న నినాదం దేశమంతటా ప్రతిధ్వనించడానికి తగిన స్ఫూర్తి నేటి వేడుకలు దోహదం చేస్తాయని ఆశిద్దాం.

అందరికీ అక్షరజాలం స్వతంత్రదిన శుభాకాంక్షలు.

ఏప్రిల్ 13, 2021

ఉగాది శుభాకాంక్షలు

Posted in జన గళం, ముఖాముఖీ, సాంఘికం-రాజకీయాలు at 7:29 సా. by వసుంధర

ప్రభుత్వంలో ఉన్నా ప్రతిపక్షంలో ఉన్నా ప్రజలెన్నుకున్న నాయకులందరూ ప్రజాప్రతినిధులు. వారు పరస్పరం నిందించుకుంటే, వారినెన్నుకున్న ప్రజల్ని అవమానించడమే!
ప్రస్తుతం వరగర్వితులైన రాక్షసుల్ని మరిపిస్తున్న కరోనా మహమ్మారిని ఎదుర్కోవాలంటే- ముందు మనలోని రాక్షసాంశ స్థానంలో దైవత్వాన్ని నింపాలి కదా!
ప్రత్యర్థుల నామస్మరణే ధ్యేయంగా పెట్టుకున్న హిరణ్యకశిపుడు, కంసుడు, దుర్యోధనుడు మనకి ఆదర్శం కాకూడదు.
కొత్త సంవత్సరంలో ప్రజానాయకులందరూ, ప్రత్యర్థిని కాక ప్రజాసేవనే స్మరిస్తూ, దేశాన్ని ముందుకు తీసుకెడతారని ఆశిద్దాం.

అందరికీ ప్లవ నామ సంవత్సర ఉగాది శుభాకాంక్షలు

జనవరి 1, 2021

శుభాకాంక్షలు 2021

Posted in ముఖాముఖీ at 5:10 సా. by వసుంధర

అల్లకల్లోలం 2020
అదృష్టం తను నిన్నే వెళ్లిపోయింది
అధఃపాతాళమే ఇక తనకి
అందరిదీ ఇప్పుడదే కోరిక!

అద్భుతాల నిలయం 2021
అనుకుందాం తను నేడే వచ్చింది
ఆకాశమే హద్దని మనకిక ఆశ
అందరికీ అభీష్ట సిద్ధిరస్తు!

నూతన సంవత్సర శుభాకాంక్షలు!

అక్టోబర్ 13, 2020

ముందు – వెనుక

Posted in జీర్ణం జీర్ణం వాతాపి జీర్ణం at 10:48 ఉద. by వసుంధర

ఎవరో కానీ చక్కగా రాసారు, పూర్తిగా చదవండి:


నేత: అవును ఇప్పుడు మంచి సమయం వచ్చింది

ప్రజలు: మీరు ఇప్పుడు దేశాన్ని దోచేస్తారా

నేత: లేదు

ప్రజలు: మీరు మాకోసం పని చేస్తారా

నేత: అవును, ఖచ్చితంగా

ప్రజలు: మీరు నిత్యావసర వస్తువుల ధరలు పెంచుతారా

నేత: దానిగురించి ఆలోచించకండి

ప్రజలు: మీరు మాకు ఉద్యోగాలు, జీవనావసరాలు ఇస్తారా

నేత: ఖచ్చితంగా

ప్రజలు: మీరు దోపిడీ, అక్రమాలు చేస్తారా

నేత: మీకు పిచ్చా, లేదు

ప్రజలు: మేము మీ మీద నమ్మకం పెట్టుకోవచ్చా

నేత: హా

ప్రజలు: ఓహ్ మా నేత

నేత ఎన్నికల్లో గెలిచాడు, గెలిచి వచ్చాడు

ఇప్పుడు కిందనుండి పైకి చదవండి

తరువాతి పేజీ