జూలై 17, 2021

తెలుగు వైభవం గీతాలు

Posted in సంగీత సమాచారం, సాహితీ సమాచారం at 9:57 ఉద. by వసుంధర

వాట్‍సాప్ బృందం సాహిత్య సమాచారకలశం సౌజన్యంతో

2013 (మే 24–26) లో డాలస్, టెక్సాస్, అమెరికాలో నిర్వహించిన 19 వ తానా మహా సభల (తానా అధ్యక్షులు: డా. ప్రసాద్ తోటకూర; మహాసభల సమన్వయకర్త: శ్రీ మురళి వెన్నం) కోసమై సుప్రసిద్ధ సినీ గీత రచయిత, తెలుగువేదకవి శ్రీ జొన్నవిత్తుల రామలింగేశ్వరరావు గారు సాహిత్యం అందించగా, ప్రముఖ సంగీత దర్శకుడు శ్రీ నేమాని పార్థసారథి (పార్థు) గారు సంగీతం సమకూర్చగా, గాన గంధర్వుడు శ్రీ ఎస్. పి. బాలసుబ్రహ్మణ్యం గారితో సహా ఎంతోమంది మధుర గాయనీ గాయకుల స్వరాలనుండి వెలువడిన 15 తెలుగు వైభవం గీతాలను ప్రతి తెలుగు భాషాభిమాని తప్పనిసరిగా వినవలసిన పాటలు. 
ఈ క్రింది లంకెను మీటి “తెలుగు వైభవం గీతాలను” విని ఆనందించండి. 
https://www.youtube.com/playlist?list=PLJe-EuSgOMNJJRwnaqOcLmiui9cQjxN7W

జూన్ 4, 2021

భువినుండి దివికిః సంగీతరావు

Posted in కళారంగం, సంగీత సమాచారం at 6:49 సా. by వసుంధర

లంకె

జూన్ 2, 2021

వైదిక విజ్ఞానం

Posted in దైవం, సంగీత సమాచారం, సాహితీ సమాచారం at 11:49 ఉద. by వసుంధర

వాట్‍సాప్ బృందం రంజని మిత్రులు సౌజన్యంతో

ఈ వైదిక విజ్ఞానం అనే లంకె
అన్ని భాషలలో ఇంతవరకు మీరు చూసి ఉండరు.
ఏ పుస్తకంతో పని లేకుండా- సమస్త దేవతల, దేవుళ్ల స్తోత్రాలు, అస్త్రోత్రాలు , శతనామాలు, సుప్రభాతాలు, చాలీసాలు, హారతులు, భగవద్గీత, పతంజలి యోగ సూత్రాలు
ఒకటేమిటి మీరు ఉహించలేనివి……
భారతమాతకు సంబంధించిన
వందేమాతరం, జనగణమన, సారేజహాసే అచ్చా, మా తెలుగు తల్లికి- వగైరా దేశభక్తి, జాతీయ గీతములు
అన్ని హారతులు- అన్నమయ్య, రామదాసు, త్యాగరాజు కీర్తనలు
ఇంత అత్యంత విలువైన దానిని ప్రతిఒక్కరు
ఉపయోగించుకుంటారని ఆశిస్తున్నాం.

మే 31, 2021

శ్రీ తాళ్లపాక అన్నమాచార్య భక్తిసాహిత్యం, భావలాలిత్యం

Posted in దైవం, సంగీత సమాచారం, సాహితీ సమాచారం at 5:49 సా. by వసుంధర

వాట్‍సాప్ బృందం సాహిత్య సమాచారకలశం సౌజన్యంతో

నిన్న ఆదివారం తానా నిర్వహించిన కార్యక్రమం పై వస్తున్న వేలాది ప్రశంసలకు వినమ్రపూర్వక కృతజ్ఞతలు
తెలియజేస్తూ, కార్యక్రమం వీక్షించ వీలుకాని వారి సౌకర్యార్ధం పూర్తి కార్యక్రమాన్ని జత పరిచిన యు ట్యూబ్ లింక్ లో చూడవచ్చు
.

ధన్యవాదములు,

తోటకూర ప్రసాద్, తానా ప్రపంచ సాహిత్య వేదిక

THALLAPAKA ANNAMACHARYA BHAKTHI SAHITYAM – BHAVA LAALITYAM | TANA SAHITYA VEDIKA | TVASIATELUGU

మే 27, 2021

అన్నమయ్య అవగాహనలో డా. పతంజలి

Posted in పరమార్థం, పుస్తకాలు, రచనాజాలం, సంగీత సమాచారం, సాహితీ సమాచారం at 10:37 ఉద. by వసుంధర

డా. తాడేపల్లి పతంజలి అక్షరజాలం వీక్షకులకు సుపరిచితులు. అన్నమయ్యను అవగాహన చేసుకొనడానికి వారు చేస్తున్నది నిర్విరామకృషి.

తాజాగా వారు –

శ్రీమత్ త్వదీయ చరితామృత మన్నయార్య పీత్వాపినైవ సుహితా మనుజా భవేయు:త్వం వేంకటా చలపతే రివ భక్తి సారం శ్రీ తాళ్లపాక గురుదేవ నమో నమస్తే (ఓ అన్నమాచార్యా! మీ కీర్తనల చరితామృతాన్ని – ఎంత తాగినప్పటికీ మనుష్యులు తృప్తి చెందరు. వేంకటేశ్వరస్వామివలెనే ఈ భక్తులకి కూడా మీ కీర్తనలలోని భక్తిసారమే నిజమైన కళగా అనిపిస్తుంది.. తాళ్ళపాక గురుదేవా! మీకు మానమస్సులు. నమస్సులు)

అంటూ తను చేపట్టిన కార్యక్రమాన్ని ‘ఏదియును లేని దేటిజన్మము’ అనే కృతితో అన్వయించి వినమ్రులై ఇలా మనవి చేసుకుంటున్నారుః

అన్నమయ్యా !

ఏదియును లేని దేటిజన్మము ? (1-301) అని నువ్వే అన్నావ్ కదా !

ఆ కీర్తనలోనే నా బోటి పామరులకు ఒక అవకాశం కలిగించావు.

“అతిశయంబగు వేంకటాద్రీశుసేవకులె/గతియనుచు తనబుద్ధిఁ గలిగుండవలెను”

నేను ఇప్పుడు చేస్తున్నది అదేనయ్యా !

స్వామి వారి పదములు పట్టుకొన్న నీ పదములు పట్టుకొనే బుద్ధి కలిగియున్నాను.

నీ రచనా విశేషాలను నీ అనుగ్రహంతో ఇప్పటికి 09 పుస్తకాల పుష్పాలు గా మార్చాను.

నీ దయతో 26, 27, 28 సంపుటాలలో ఉన్న 933 కీర్తనలకు ప్రతిపదార్థ తాత్పర్య విశేషాలు తి.తి.దే వారి కోసం వ్రాస్తున్నాను.

ఒక పసిపిల్లవాడు కొండను ఎక్కే ప్రయత్నం చేస్తున్నాడు.

ఆ కొండ అతడిని చూసి నవ్వుతుందా?

కాదు… ఆశీర్వదిస్తుంది. కదూ…!

కొండవంటి దొరవు నీగుణ మేల విడిచేవు(10-77)

నీ పుట్టిన రోజట.

నా ఎదలో నువ్వు పుట్టని రోజంటూ ఉందా?

అన్నమయ్య వేంకటేశా !

పరమాత్ము చింతచేత బదుకు నిశ్చయమాయ(2-145)

ఏఁటిమాట లివి విన నింపయ్యీనా మది(2-67)

వీరి వెబ్‍సైటు కోసం ఇక్కడ క్లిక్ చెయ్యండి.

తరువాతి పేజీ